मित्रांनो ज्याचं बालपण झोपडपट्टीत गेलं, आई दारू विकून पोट भरायची, अंगावर धड कपडे नसतानाही डोळ्यांत स्वप्नं मोठी होती. तोच मुलगा पुढे देशाचा आयएएस अधिकारी झाला. हो मित्रांनो ही कहाणी आहे डॉ. राजेंद्र भारुड (Dr. Rajendra Bharud) यांची. एका आदिवासी कुटुंबात जन्मलेल्या, अडचणींचा डोंगर पार करून यशाच्या शिखरावर पोहोचलेल्या एका खऱ्या योद्ध्याची. त्यांचं आयुष्य हे केवळ यशाची गोष्ट नाही, तर लाखो तरुणांना जिद्द, मेहनत आणि चिकाटीचं बळ देणारी प्रेरणादायी कहाणी आहे.
झोपडपट्टीतून मंत्रालयापर्यंतचा प्रेरणादायी प्रवास डॉ. राजेंद्र भारुड IAS | Dr. Rajendra Bharud IAS Success Story in Marathi
डॉ. राजेंद्र भारुड यांचा जन्म महाराष्ट्रातील धुळे जिल्ह्यातील साक्री तालुक्यात एका अतिशय गरीब आणि आदिवासी कुटुंबात झाला. लहानपणीच वडिलांचे छत्र हरपले आणि त्यांच्या आईने दारू विकून त्यांचा आणि भावंडांचा उदरनिर्वाह केला. घरात ना वीज, ना स्वच्छ पाणी, पण लहान राजेंद्रच्या डोळ्यांत डॉक्टर होण्याचं स्वप्न होतं.
अभ्यासाची जिद्द, झोपडपट्टीतून MBBS पर्यंत
गरीब परिस्थितीतही त्यांनी आपलं शिक्षण थांबवले नाही. गावात मिळेल त्या परिस्थितीत शिकत त्यांनी 10वी आणि 12वी उत्तम गुणांनी पास केलं. त्यानंतर त्यांनी कठोर मेहनत घेऊन मुंबईच्या KEM हॉस्पिटलमधून MBBS पूर्ण केलं. हा प्रवास कोणत्याही सामान्य व्यक्तीला असामान्य प्रेरणा देणारा आहे.
डॉक्टर ते IAS, स्वप्न मोठं होतंच
डॉक्टर झाल्यानंतर ते थांबले नाहीत. त्यांनी UPSC ची तयारी सुरू केली. या प्रवासात अनेक अडथळे होते. आर्थिक अडचणी, वेळेचा अभाव, आणि समाजाच्या नकारात्मक दृष्टिकोनाचा सामना. तरीही 2013 मध्ये त्यांनी IAS परीक्षा उत्तीर्ण करून देशातील सर्वोच्च सेवेत प्रवेश केला.
आदिवासी जिल्ह्याचा हिरो, नंदुरबार जिल्हाधिकारी
IAS अधिकारी झाल्यानंतर त्यांनी महाराष्ट्रातील नंदुरबार जिल्ह्याचे जिल्हाधिकारी म्हणून काम पाहिलं. कोविड-19 महामारीच्या काळात त्यांनी आरोग्य सुविधा सुधारण्यासाठी जबरदस्त प्रयत्न केले. रेल्वेचे 21 डबे हॉस्पिटलमध्ये बदलणं, मोबाइल व्हॅनमधून लसीकरण, दुर्गम भागांपर्यंत वैद्यकीय सेवा पोहचवणं – या त्यांच्या कामामुळे त्यांचं संपूर्ण देशभर कौतुक झालं.
प्रेरणा – एक सामान्य मुलगा, असामान्य यश
डॉ. राजेंद्र भारुड हे आज अनेक तरुणांसाठी प्रेरणास्थान आहेत. त्यांनी कोणतीही कोचिंग न घेता स्वतःच्या मेहनतीच्या जोरावर यश संपादन केलं. “गरिबी ही अडथळा नाही, ती प्रेरणा असू शकते” हे त्यांनी स्वतःच्या आयुष्याने सिद्ध केलं आहे. ते आजही व्याख्यानांद्वारे, मुलाखतींद्वारे आणि समाजकार्याच्या माध्यमातून तरुणांना प्रेरणा देतात.
डॉ. राजेंद्र भारुड यांच्या जीवनातून मुलांनी शिकायला हवं की परिस्थिती काहीही असो, स्वप्नं मोठी असली पाहिजेत. गरिबी, अडचणी, अपमान याला न घाबरता शिक्षणाच्या जोरावर आयुष्य बदलता येतं. झोपडीतून उठून देशाचा आयएएस अधिकारी होणं हे दाखवून देतं की जर तुमच्यात जिद्द, मेहनत आणि स्वतःवर विश्वास असेल तर काहीही अशक्य नाही. त्यांच्या यशातून मुलांनी हे शिकावं की अडचणी पायातील अडथळे नाहीत, तर त्या यशाच्या शिड्या असतात. गरज आहे ती फक्त धैर्याने पुढे जाण्याची.
